Ruajtja e Energjisë për një të Ardhme më të sigurt

Ruajtja e Energjisë për një të Ardhme më të sigurt

Ndërkohë që bota po orientohet drejt energjisë së pastër dhe të rinovueshme, një temë shumë e
rëndësishme është ajo mbi bateritë për ruajtjen e energjisë. Për Shqipërinë dhe rajonin e
Ballkanit, “energy storage” mban çelësin e transformimit të ambicieve për energjinë e
rinovueshme në një fuqi të vërtetë dhe të besueshme.

Pse Energy Storage është kaq e rëndësishme

Shqipëria është e bekuar me burime të energjisë hidro, por mbështetja vetëm tek ky burim
energjie e lë vendin të ekspozuar dhe të ndjeshëm ndaj ndryshimeve klimatike dhe thatësirave.
Ndërsa gjithnjë e më shumë i drejtohemi energjisë së diellit dhe së erës, përballemi me një sfidë
të re: Si të ruajmë energjinë e tepërt të prodhuar nga dielli për kohën kur diell nuk ka dhe të
erës në kohën kur erë nuk ka?

Zgjidhjet për ruajtjen e energjisë – nga sistemet e mëdha me bateri, te hidrocentralet me pompa
dhe ruajtja termike – u japin vendeve mundësinë për të:

1. Balancuar në mënyrë efikase ofertën dhe kërkesën
2. Ulur varësinë nga lëndët djegëse fosile dhe energjia e importuar
3. Forcuar qëndrueshmërinë e rrjetit dhe shmangur ndërprerjet e energjisë
4. Zbutur kostot afatgjata të energjisë për bizneset dhe familjet

Shembuj Suksesi nga e Gjithë Bota

Nuk ka vend për të shpikur rrotën – vendet më të zhvilluara tashmë po tregojnë se çfarë është e
mundur të arrihet duke investuar në drejtimin e duhur:

Australi – Hornsdale Power Reserve (bateria e famshme e Teslas) është kthyer në simbolin se si
bateria për ruajtjen e energjisë mund të ulë kostot e rrjetit, të përmirësojë qëndrueshmërinë dhe të
mbështesë burimet e rinovueshme.

Gjermani – Mijëra familje po instalojnë sisteme diellore në çati duke i kombinuar me bateri për
përdorim shtëpiak dhe kështu ata po e marrin vetë në dorë sigurinë energjetike të tyre.

Kaliforni, SHBA – Përballë kërkesës së lartë dhe sfidave klimatike, Kalifornia ka investuar
masivisht në ruajtjen e energjisë me bateri për të mbështetur kapacitetin e saj të madh diellor –
duke reduktuar ndërprerjet dhe stabilizuar çmimet.

Këto raste tregojnë se investimet inteligjente në ruajtjen e energjisë nuk nxisin vetëm
qëndrueshmëri, por edhe përfitime ekonomike e sociale.

Mundësi për Shqipërinë dhe Ballkanin

Ruajtja e energjisë paraqet mundësi të reja për vendet e Ballkanit që të forcojnë sistemet e tyre
energjetike dhe të shtyjnë përpara objektivin e qëndrueshmërisë. Bashkëpunimi rajonal, nxitja e
investimeve dhe përfshirja e sektorit privat mund të sjellin zhvillime pozitive – nga krijimi i
kapaciteteve për ruajtjen e energjisë deri te mbështetja e burimeve të rinovueshme. Me hapa të
kujdesshëm dhe vizion të qartë, Shqipëria mund të jetë pjesë aktive e këtij transformimi.

Panairi i Energjisë, Ndërtimit dhe Ekonomisë së Gjelbër, 29-30 tetor

I vetmi event dedikuar këtyre dy sektorëve të rëndësishëm për vendin dhe rajonin tonë, do të
mbahet në datat 29 dhe 30 tetor në Pallatin e Kongreseve, Tiranë.
Organizatori i këtij panairi është Iceberg Exhibitions me pjesëmarrjen e 100+ kompanive dhe
institucioneve që do të prezantojnë produktet dhe shërbimet e tyre, do të marrin pjesë në takimet
B2B dhe do të përfitojnë nga përmbajtja cilësore e krijuar përmes forumeve dhe prezantimeve
gjatë ditëve të panairit.

Jeni të interesuar për më shumë detaje?
Kontaktoni tani duke shkruar një email në info@icebergexhibitions.com ose duke
telefonuar në +355 69 406 3909.