Edicioni më i Larmishëm i Panairit  të Energjisë, Ndërtimit & Ekonomisë së Gjelbër

Edicioni më i Larmishëm i Panairit të  Energjisë, Ndërtimit& Ekonomisë së  Gjelbër

Panairi i Energjisë, Ndërtimit & Ekonomisë së Gjelbër 2025 sjell këtë vit një panoramë më  të gjerë se kurrë më parë, duke bashkuar sektorë që përcaktojnë të ardhmen: energjinë e rinovueshme, ndërtimet e gjelbra, teknologjitë më bashkekohore nga marka nderkombetare dhe investime ne real estate.

Energjia e Rinovueshme në Qendër të Vëmendjes

Orientimi i vendit drejt burimeve të pastra shihet qartë te pjesëmarrja e fuqishme e kompanive që ofrojnë zgjidhje të qëndrueshme.

Vega Group, MEPS Albania, EZ5 Energy, Naga Solar, Det Energji, eTech Solar, ID-Energy dhe Cosmogral do të prezantojnë teknologji fotovoltaike dhe diellore të avancuara. Pjesëmarrja e tyre tregon  se rajoni po investon në parqe diellore, ndërtime të gjelbra dhe zgjidhje të qëndrueshme energjie.

Zhvillimi i Qëndrueshëm në Ndërtim

Ndërtimi mbetet një prej shtyllave kryesore të panairit, por këtë vit fokusi vihet më qartë tek praktikat e gjelbra dhe projektet e qëndrueshme. Partneret mbeshtetes te panairit Klar, Matrix Konstruksion do të prezantojnë zhvillime të reja në  fushën e pasurive të paluajtshme, ndërsa Saint-Gobain, Schneider Electric, Lidner Group, Al-Steel Construction, Arkon Steel, Metal 360 dhe Inda sjellin zgjidhje të integruara ndërtimi – nga strukturat metalike deri tek materialet miqësore me mjedisin.

Pjesëmarrja e markave ndërkombëtare si Saint-Gobain, Rockwool dhe IRAL Industries, krahas kompanive vendase, garanton që sektori i ndërtimit në Shqipëri të mbetet i lidhurngushtë me inovacionin dhe standardet globale.

Eficenca e Energjise dhe Teknologjia

Panairi vendos theksin te mënyra se si teknologjia dhe automatizimi po transformojnë ndërtimin, ndërveprimin në komunitet dhe stilin e jetesës. Schneider Electric, NOARK Electric, Westermo, CHINT dhe Runpotec sjellin ekspertizë të avancuar në automatizim industrial, komunikim digjital dhe komponentë elektrikë.

Në këtë kuadër, ndërtesat inteligjente zënë një vend qendror: kompani si Tetra Shpk prezanton sisteme parkimi të automatizuar, ndërsa Teknofire ofron sisteme mekanike, elektrike dhe zgjidhje të  integruara për mbrojtje nga zjarri.

Krahas ndërtesave inteligjente, efiçenca e energjisë shihet siçelësi i së ardhmes.  Klimateknika (Midea/Carrier), HOVAL dhe sërish Teknofire prezantojnë zgjidhje të  avancuara HVAC, ngrohje dhe ventilim, ndërsa Rockwool dhe Saint-Gobain Albania sjellin materiale izoluese që garantojnë komoditet të qëndrueshëm dhe kursim energjie.

Dimension i ri ndërkombëtar për Panairin 2025
Panairi i Energjisë, Ndërtimit & Ekonomisë së Gjelbër shënon këtë vit një hap gjigant në arenën rajonale. Për herë të parë, krahas markave shqiptare, në Tiranë do të jenë të pranishme kompani nga Austria, Bullgaria, Gjermania, Suedia, Çekia dhe Polonia. Lajmi më i rëndësishëm vjen nga ambasadat e Çekisë dhe Polonisë, të cilat sjellin delegacione të posaçme biznesi – një sinjal i fortë që panairi po kthehet në platformë referuese për partneritete dhe investime ndërkombëtare. Ky zhvillim e pozicionon Shqipërinë si një pikë takimi strategjike për energjinë, ndërtimin dhe ekonominë e gjelbër në rajon.

Për më shumë detaje mbi programin dhe listën e ekspozuesve, vizitoni  www.icebergexhibitions.com