NJË EKUILIBËR I RI: Si po Ndryshon Profili i Ekspozuesve të Panairit të Energjisë, Ndërtimit dhe Ekonomisë së Gjelbër

29-30 Tetor 2025 | Pallati i Kongreseve, Tiranë

Panairi ECGE25: Më Shumë se një Panair – një Pasqyrim i Realitetit të Ri në vend

Shqipëria është një vend në zhvillim të shpejtë, me një sektor ndërtimi që po njeh transformim të dukshëm. Ky sektor po përjeton një rritje të ndjeshme, i nxitur nga kërkesat në zhvillim të tregut, dhe veçanërisht nga zhvillimi i sektorit të turizmit. Rritja e numrit të vizitorëve dhe  investimet në turizëm kanë sjellë nevojën për struktura akomoduese më cilësore, resorte, qendra shërbimi dhe ndërtesa  multifunksionale. Rrjedhimisht, kjo ka sjellë një valë të re projektesh që orientohen në zgjidhje  të avancuara teknologjike, materiale të qëndrueshme dhe standardetë reja cilësie, duke reflektuar ndërtime moderne dhe të orientuara drejt efiçiencës.

Në këtë realitet, kërkesa për materiale ndërtimi me performancëtë lartë, zgjidhje të  qëndrueshme, si dhe sisteme inteligjente menaxhimi, është më e fortë se kurrë. Pikërisht kjo është arsyeja pse sektori i ndërtimit është bërë një pjesë gjithnjë e më aktive në Panairin e Energjisë, Ndërtimit dhe Ekonomisë së Gjelbër(ECGE25) të organizuar nga  Iceberg Exhibitions.

Ndërkohë, sektori i energjisë, që ka qenë gjithmonë një shtyllë kryesore e panairit, vazhdon të gjejë terrën të favorshëm në Shqipëri, falë potencialit të lartë natyror që ofron vendi për prodhimin e energjisë së pastër. Shfrytëzimi i burimeve të pastra dhe të qëndrueshme të energjisë që rinovohen me kalimin e kohës, si dielli, era, uji është tashmë një objektiv strategjik kombëtar, jo vetëm për të reduktuar varësinë nga importet, por edhe për të përmbushur angazhimet e vendit ndaj agjendës së gjelbër evropiane.

Prandaj, ECGE25 nuk është vetëm një panair, por një pasqyrim i dinamikave të tregut dhe një platformë për të ndërtuar partneritete strategjike në një vend që po transformohet nga kërkesa, zhvillimi dhe vizioni për të ardhmen.

Pse Ky Ndryshim është i Rëndësishëm?

Ky ndryshim nuk është thjesht rezultati i diversifikimit dhe rritjes së numrit të ekspozuesve. Ai reflekton një ndryshim më të thellë në mënyrën se si sektori i ndërtimit dhe energjisë po bashkëveprojnë. Një projekt  modern nuk mund të konsiderohet i suksesshëm nëse nuk përfshin:

• efiçencë energjetike,

• automatzim dhe menaxhim inteligjent,

• materiale ndërtimi me performancë të lartë, dhe

• reduktim të gjurmës së karbonit.

Ndërtimi dhe energjia nuk janë më dy sektorë të ndarë – ato ndërveprojnë për të shtuar vlerë në çdo projekt. Ky është realiteti që ECGE25 do të pasqyrojë në këtë edicion të katërt.

Kush Janë Aktorët që Shtyjnë Këtë Ekuilibër të Ri?

Disa nga kompanitë që luajnë një rol kyç në këtë transformim dhe që do të jenë të pranishme në ECGE25 përfshijnë:

• Saint-Gobain – lider global në ofrimin e materialeve inovatore për ndërtim të qëndrueshëm, me produkte si: sisteme termoizolimi për fasada, zgjidhje për aplikime të ndryshme të dyshemeve, izolimet termike prej leshit të xhamit dhe leshit të gurit, sistemet moderne akustike, membranat bituminoze për hidroizolim  dhe polimerat për ndërtim.

• Klar (Lim-Em) – me mbi dy dekada përvojë në industrinë e ndërtimit, Klar është një emër i besuar në krijimin e projekteve cilësore dhe inovatore. Kombinimi i  arkitekturës moderne me funksionalitetin dhe qëndrushmërinë dhe përkushtimi ndaj cilësisë dhe inovacionit, e bën kompaninë një emër të rëndësishëm në treg.

• Schneider Electric – një nga liderët botërorë në automatizimin e ndërtesave dhe menaxhimin e energjisë, që promovon qasjen inteligjente në ndërtim dhe konsumin energjitik.

• Noark – kompania Teoren ka ekskluzivitetin e kësaj markenë Shqipëri. Noark është një lider global në ofrimin e zgjidhjeve të energjisë inteligjente dhe prodhues i komponentëve elektrikë për tension të mesëm dhe të ulët për aplikime industriale.

• Rockwool – një emër i njohur ndërkombëtarisht për izoluesit me bazë guri, të cilët përmirësojnë performancën termike dhe akustike të ndërtesave.

Por, siç u përmend më sipër, sektori i energjisë vijon të përfaqësohet denjësisht nga kompani që po zgjerojnë praninë e tyre në tregun rajonal dhe më gjerë, si: Vega Group, MEPS Albania, EZ5, DET, Solaron, Cosmogral, dhe të tjera që po afirmohen si aktorë të rëndësishëm në ofrimin e teknologjive të qëndrueshme dhe efikase.

Panair energjie dhe ndërtimi, apo panair i zgjidhjeve të integruara?

Një nga zhvillimet më domethënëse që pritet të për kufizojë edicionin e këtij viti të panairit është se ECGE25 po shkon drejt një formati më të përputhshëm me nevojat reale të tregut – një panair i zgjidhjeve të integruara.

Ky evolucion nuk është vetëm formal. Ai pasqyron një ndryshim të rëndësishëm në mënyrën se si konceptohen dhe realizohen projektet moderne. Në praktikë, ekonomia dhe industria nuk funksionojnë në mënyrë të ndarë. Ndërtimi nuk mund të përparojë pa zgjidhje energjetike të integruara, dhe sektori i energjisë nuk mund të zhvillohet pa një infrastrukturë ndërtimi që i përgjigjet standardeve të qëndrueshmërisë dhe automatizimit. Ky ndërveprim e bën të domosdoshëm një qasje ndërsektoriale, ku teknologjitë, produktet dhe ekspertiza bashkohen për të ofruar zgjidhje gjithëpërfshirëse, praktike dhe inteligjente.

Megjithatë, kjo qasje e re nuk vjen pa sfida. Një nga pengesat më të mëdha është përfshirja e pamjaftueshme e zhvilluesve dhe investitorëve në këto formate, të cilët shpesh i shohin zgjidhjet e qëndrueshme si investime më të kushtueshme në fazën fillestare, pa marrë parasysh kursimet afatgjata që ato sjellin në menaxhimin, mirëmbajtjen dhe eficiencën e projekteve. Po ashtu, mungesa e informacionit të strukturuar dhe mundësive për bashkëbisedim direkt mes ofruesve dhe përdoruesve finalë krijon një boshllëk komunikimi që pengon adoptimin më të gjerë të teknologjive të reja.

Pikërisht këtë boshllëk synon ta adresojë ECGE25, përmes organizimit të një eventi të dedikuar B2B, ku takimet 1:1 midis ofruesve të teknologjive dhe përdoruesve strategjikë do të krijojnë terren konkret për bashkëpunime të reja, projekte të përbashkëta dhe ndoshta edhe partneritete afatgjata. Këto takime nuk do të jenë thjesht diskutime formale, por mundësi konkrete për të kuptuar nevojat reale, për të prezantuar zgjidhje që funksionojnë dhe për të ndërtuar besim mes palëve.

Rëndësia Strategjike e Panairit ECGE për Shqipërinë dhe Rajonin

Në një kohë kur Shqipëria ka ambicie për të për shpejtuar integrimin në tregun evropian të energjisë dhe për të ndërtuar qytete më të qëndrueshme, platforma si ECGE25 janë më shumë se evente komerciale. Ato janë hapësira të domosdoshme për shkëmbim informacioni mbi teknologjitë, shkëmbim eksperience dhe ndërtim rrjetesh bashkëpunimi.

Ky panair ofron një pasqyrë të qartë të interesit të tregut, por edhe një mundësi për të ndikuar në formësimin e tij. Nëse vitet e kaluara teknologjia  fotovoltaike ishte komponenti kryesor i përfaqësuar nga një numër i lartë kompanish ekspozuese, tani ekuilibri mes teknologjive në sektorin e energjisë dhe ndërtimit është ai që e bën panairin tërheqës për një gamë më të gjerë vizitorësh.

Pse Duhet të Bëheni Pjesë e ECGE25?

Nëse kompania juaj operon në:

* fushën e ndërtimit dhe materialeve të qëndrueshme,

* sektorin që nxit energjinë e pastër,

* teknologjitë smart për ndërtesa dhe infrastrukturë,

atëherë ky panair është vendi i duhur për të qenë!

F&Q

Ku dhe kur mbahet ECGE25?

Në Pallatin e Kongreseve, Tiranë, më 29-30 Tetor 2025.

Kush e organizon panairin ECGE25?

Iceberg Exhibitions

Kush mund të marrë pjesë si ekspozues?

Çdo kompani ose institucion që operon në sektorët e energjisëdhe ndërtimit.

Çfarë përfitimesh sjell pjesëmarrja?

Kontakt direkt me blerës strategjikë, partnerë të rinj, mundësi bashkëpunimi dhe rritje të vizibilitetit në treg.

Si mund të regjistrohem?

Na kontaktoni në:

info@icebergexhibitions.com +355 69 406 3909