Të duhet vetëm të komunikosh

Shkruar nga Stuart Crainer & Des Dearlove

Imagjinoje veten sikur je drejtues i një kompanie dhe organizon me skuadrën një mbledhje diku jashtë qytetit për të diskutuar në një ambient jashtë zyre mbi strategjinë e kompanisë. Gjatë dy ditëve të gjata diskutimi, ke gati një super strategji për kompaninë. E ardhmja duket me e thjeshtë, tregun e presin “aksione përçarëse”, konkurenca as nuk do ta kuptojë çfare i ka goditur kaq fort. Kthehesh në zyrë dhe i le në dorë disa konsulentëve brilantë për të testuar strategjinë e re. Numrat rriten, gjërat po shkojnë ashtu siç duhet dhe në këtë moment… strategjia e re vendoset mbi tavolinë në një vënd të dukshëm.
Tingëllon e pamundur? Sigurisht, nëse nuk i tregoni askujt për strategjinë tuaj, nuk ka gjasa të bëhet realitet. Si mund t’i nxisni njerëzit të japin më të mirën për kompaninë nëse as nuk e kanë idenë se cila është strategjia për të rritur kompaninë, për t’u zgjeruar, për të përmirësuar proceset etj.?
Megjithatë, ky është realiteti i pjesës më të madhe të kompanive. Krijimi i një strategjie zotërohet mirë nga shkollat e biznesit, konsulentët, trajnerët dhe këshilltaret e bizneseve. E kundërta ndodh me komunikimin e strategjisë për botën, stafin, klientët. Fatkeqësisht kjo përfundon në një nga sirtarët e zyrës dhe harrohet.
Në shumë kompani, mbeten pa përgjigje pyetje thelbësore. Cili është misioni i një kompanie? Cila është strategjia për të fituar tregun? Pyetje bazike, por nga ato të cilat shpesh mbeten pa përgjigje edhe nga disa prej korporatave lider në tregun botëror.
Një studim i realizuar nga ECSI Consulting, i cili vëzhgoi 50 kompani amerikane , analizoi si kompanitë e komunikojnë misionin e tyre dhe strategjitë, që përdorin në raportet vjetore dhe në faqet e tyre të web-it. Ky hulumtim tregoi se në realitet këto strategji janë të paqarta, të pakuptueshme dhe kanë mospërputhje – një lajm shqetësues për të gjithë ata investitorë që duan të marrin informacion për kompaninë para sa të investojnë apo për ata punonjës që potencialisht janë të interesuar të punojnë në këto kompani gjigande.

“Këto rezultate janë shqetësuese për investitorët, punonjësit dhe shumë të tjerë”, thote Alessandro Di Fiore i ESCI. “Si munden kompanitë dhe drejtuesit e tyre të japin llogari për veprimet e veta nëse qëllimi dhe strategjitë që ata duhet të ndërmarrin nuk komunikohen qartë dhe vazhdueshëm”.
94 për qind e kompanive kishin publikuar deklaratën e misionit të tyre në website, por vetëm gjysma e tyre e kishin publikuar misionin në raportin vjetor. Strategjitë janë të vështira për t’u përcaktuar psh. një deklaratë e qartë se si kompania do të kapë tregun dhe do të fitojë klientet. 58 për qind e kompanive përfshin strategjinë e tyre në raportin vjetor, por vetëm 12 për qind e tyre kishin publikuar një seksion të dedikuar me strategjinë e artikuluar qartë.
Sektori më i çuditshem në këtë drejtim rezulton ai i teknologjisë, informacionit, komunikimit TIK. Këtu kompanitë duket se nuk dëshirojnë “të mbahen peng” të deklaratave publike për sa i përket strategjisë që do të ndjekin. Kjo mund të shpjegohet me faktin se bota e teknologjisë po ecën kaq shpejt sa që çdo nocion mund të bëhet i pavlefshëm po kaq shpejt, ndaj më mirë të zgjedhësh të jesh i paqartë për qëllimin tënd.
Por problemi nuk qëndron vetëm në faktin që nuk ka informacion, por dhe nëse ky informacion ekziston, në pjesën më të madhe të rasteve është i pakuptimtë dhe zhgënjyes.
Gjithashtu, vërehet se ka një tendencë për të përdorur terma “në modë” për të komunikuar strategjinë. Objektivat si “krijimi i një avantazhi konkurrues për kompaninë ose “të qenurit inovator”, shpesh herë ngaterrohen me strategjinë. Akoma më shumë ka tendencën të theksohet “ maksimizimi i vlerës së aksionerëve”, “rritja e fitimit të kompanisë” e kështu me rradhë.
Alessandro di Fiore thotën se “Një përshkrim i mirë i strategjisë duhet t’i përgjigjet tre pyetjeve thelbësore. Si ne do të fitojmë në treg? Si do të jemi të ndryshëm? Dhe pse është ky ndryshim është i rëndësishëm për klientët tanë ekzistues dhe potencial?

Por paqartësitë dominojnë gjithashtu edhe në raportet vjetore. Deklaratat e strategjisë zakonisht nuk arrijne dot as ti përgjigjen pyetjes: “Si do të tërheqë klientët dhe do të fitojë në treg kompania?” Gjigandi i kompanisë së sigurimeve American International Group thotë: “Strategjia jonë fokusohet në nxitjen e pozicionit konkurrues për kompanitë tona të sigurimit dhe investimi i kapitalit aty ku ne mund të arrijme kthimin ndërkohe që mbajmë në nivele solide likuiditetin dhe kapitalin.”
Nga ana tjetër, kompani si Apple janë dukshëm të rezervuar në deklarimin e strategjisë së tyre të biznesit ndërsa rrjeti i farmacive Walgreens zgjedh ta komunikojë strategjinë përmes një deklarate të thjeshtë si: “Ne nuk japim informacion të detajuar mbi tema specifike, sikurse është strategjia e kompanisë tonë”.
Disa kompani kanë vendosur të jenë të qartë në komunikimin e strategjisë së tyre. Costco thotë: “Strategjia jonë është t’u ofrojmë klientëve tanë një gamë të gjërë produktesh me cilësi të lartë dhe me çmimin më të ulët krahasuar me çdo vend tjetër”. Ndërsa Microsoft thotë se strategjia e tij është të ndertoje platformat dhe sherbimet e klasit te parë për telefonat celulare.
“Një strategji duhet të jetë në gjendje të “krijojë” dhe artikulojë 15 fjalë bindëse, kuptimplota dhe lehtësisht të memorizueshme për mënyren se si do të mund të fitojë tregun”, thotë Alessandro di Fiore. “Më tej duhet të komunikohet qartësisht dhe në menyrë të vazhdueshme brenda dhe jashtë kompanisë”.

Ju mund të thoni se raportet vjetore dhe informacioni në website janë për botën e jashtme dhe se kompanitë së brendshmi e komunikojnë në mënyrë të shkëlqyer strategjinë e tyre. Mund të ndodhë për disa kompani kështu, por për pjesën më të madhe informacioni është i turbullt dhe i paqartë. Ku do të dëshironit të punonit? Ku do të zgjidhnit të investoni paratë tuaja? Në një kompani që artikulon qartë dhe në mënyrë të përsëritur misionin dhe strategjinë e saj apo në një kompani që nuk e bën?
Nuk ka asnjë dyshim që çështjet e komunikimit do të bëhen gjithnjë e më të rëndesishme për aq kohë sa informacioni përhapet shpejt dhe komunikohet në kanale të ndryshme. Nuk ka më arsye për t’u fshehur.
Duke biseduar me Rita McGrath të Columbia Business School, ajo vëzhgon se: “ndryshimi në sjelljen e lidershipit është i dukshëm për të gjithë duke qënë se informacioni lëviz shpejt. Une do t’i referohem shëmbullit të Ford-it dhe Alan Mulally kur ai ishte CEO i kompanisë, i cili deklaroi se askush nuk është në gjendje të menaxhoje një sekret. Kështu që ne do të përballemi me shumë më pak menaxhim të tipit më sill numrat, kap targetin, mos më sill lajme të këqija, mos më sill probleme për të cilat nuk ke një zgjidhje. Ky lloj menaxhimi, i cili funksionon vetëm kur situate në një kompani është mjaftueshem stabël, po humb terren.
“Shumë shpejt do të shohim shumë më tepër lidërship që merret influencimin dhe angazhimin e njerëzve. Do të shohim më tepër sinqeritet, më tepër theks në të qenurit realist dhe gjithashtu më tepër theks në mbajtjen e njerëzve të përfshirë. Unë mendoj se ne do të merremi shumë më pak me menyren se si do ta menaxhojmë karrierën në të ardhmen ose se si liderat do të angazhojnë njerzit në të ardhmen”. Shekulli i njëzet e një i dedikohet komunikimit transparent dhe të menjëhershëm – dhe kjo vlen edhe për strategjinë e organizatës suaj.