Panairi i Energjisë, Ndërtimit & Ekonomisë së Gjelbër, eventi që ka në fokus motorët kryesorë të ekonomisë në Shqipëri

Sektori i energjisë dhe ndërtimit janë dy prej motorëve kryesorë të ekonomisë në Shqipëri. Shqipëria prodhon të paktën 90% të energjisë elektrike nga hidrocentralet. Megjithatë sfidat e reja që po shfaqen, si problemet me ndryshimet klimatike, konfliktet tregtare dhe të nxehta, kanë sjellë në vëmendje nevojën për diversifikimin e burimeve të energjisë (diellore dhe nga era). Ndërtimi gjithashtu nuk mbetet jashtë këtyre sfidave që kërkojnë zgjidhje më efiçente.

Tendencat globale për t’u afruar gjithnjë e më shumë me dixhitalizimin, përdorimin e teknologjive më moderne dhe më miqësore me mjedisin – për të rritur efiçencën, ulur kostot dhe ndotjen; për të rritur format alternative dhe më efiçente të prodhimit dhe shpërndarjes së energjisë; për të pasur një menaxhim më të mirë të ujërave dhe sistemeve të ajrimit; për të pasur ndërtime dhe insfrastruktura sa më pak ndotëse, më shumë cilësore, me kosto më të ulëta dhe jetëgjatësi të lartë – janë duke u bërë pjesë e Shqipërisë gjithashtu.

Ekziston një nevojë reale për rritjen e ndërgjegjësimit për përfitimin e teknologjive të rinovueshme dhe vlerën e shtuar të tyre për bizneset private. Në nivel makro, ka nevojë për zhvillimin e një strategjie të dedikuar përsa i përket investimeve, grupit të aftësive dhe punësimit në vend.

Adresimi i sfidave që paraqet koha por edhe kërkesa për të diversifikuar e kanalet që bëjnë të mundur rritjen në sektorin e energjisë dhe ndërtimit në Shqipëri duke nxitur dhe rritur rrjetëzimin dhe marrëdhëniet me partnerë rajonalë dhe globale është objektivi kryesor i Panairit të Energjisë, Ndërtimit & Ekonomisë së Gjelbër 2022 që do të zhvillohet në Pallatin e Kongreseve, në qendër të Tiranës, në datat 11-12 Nentor 2022.

Panairi i Energjisë, Ndërtimit dhe Ekonomisë së Gjelbër 2022 do të zhvillohet në datat 11-12 nëntor 2022 në Pallatin e Kongreseve, Tiranë. Ky panair do të shërbejë si platforma më e gjerë e komunikimit mes aktorëve kryesorë, institucioneve, shoqatave dhe kompanive private të sektorit të energjisë, ndërtimit dhe ekonomisë së gjelbërnë rajon. E ardhmja, siguria dhe qëndrueshmëria e këtyre sektorëve është kyçe për ekonominë e Shqipërisë dhe rajonit. Për këtë arsye, është reale nevoja për të kultivuar bashkëpunimin ndërsektorial për teknologji, produkte, shërbime dhe zgjidhje të reja dhe inovatore. Ky panair do të mundësojë ndërveprimin mes prodhuesve dhe furnitorëve të teknologjive më inovative, produkteve dhe shërbimeve nga industritë e energjisë dhe ndërtimit. Panairi i Energjisë dhe Ndërtimit do të vendosë në vëmendje çështje të rëndësishme si energjia e rinovueshme, efiçenca në energji përgjatë gjithë ciklit të energjisë në të gjithë sektorët, teknologjitë, efiçenca në ndërtim dhe impakti në mjedis. Kjo platformë do të nxisë komunikimin dhe bashkepunimin e investitorëve, zhvilluesve dhe konsulentëve. Qasja e këtij panairi është rajonale duke u shtrirë edhe në Evropë duke qenë se potenciali i investimeve kryesisht në energji është tepër i lartë.