Truket për të tërhequr vizitorë në stendën tuaj në një Panair
1 Shtator, 2022
Shqipëria, një vend i vogël me shumë mundësi në bujqësi
1 Shtator, 2022
Prej vitesh, panairet u kanë dhënë bizneseve një shans për t’u rritur dhe ato kanë qenë një element kryesor në suksesin e këtyre të fundit. Lançimi i produkteve të reja, rritja e ndërgjegjësimit për markën dhe krijimi i autoritetit në industri mund të bëhen ende në ekspozitat tregtare dhe këto të fundit mbeten alternativa më e mirë. Pse të merrni pjesë në një panair dhe pse tani? Iceberg Exhibition do t’ju japë mjaftueshëm arsye për t’ju ndryshuar mendje (gjithmonë nëse mendoni ndryshe).
Është koha ideale për ta bërë biznesin tuaj të dallojë mes të tjerëve përmes një eksperience të shkëlqyer të markës. Me një stendë që tërheq vëmendjen dhe ‘sjell në jetë’ markën tuaj dhe me një staf që e njeh mirë biznesin tuaj, nuk do të keni asgjë për të humbur, por vetëm për të FITUAR.
Ekspozitat tregtare janë një fushë loje e barabartë si për kompanitë e vogla ashtu edhe të mëdha, pasi çdokush i fushës përkatëse mund të marrë pjesë. Një panair me një audiencë të mirëtargetuar i kombinuar me një ekspozim të përkryer nga ana e kompanisë do t’u japë bizneseve të vogla mundësinë që të jenë në të njëjtin ekspozitë tregtare si konkurrentët e mëdhenj dhe të takojnë klientë potencialë që në situata të tjera nuk do të kishin mundësi.
Panairi ofron gjithashtu mundësinë për të qenë në të njëjtin vend me institucionet dhe shoqatat qeveritare që mbrojnë interesat e biznesit. Gjatë ditëve të ekspozitës, organizohen sesione të rëndësishme informacioni në lidhje me aspekte të ndryshme të industrisë, konferenca, seminare, etj. Një ekspozitë i lejon çdo aktori të rrisë biznesin e tij.
Mosprania juaj në ekspozitat tregtare, nuk është thjesht një mungesë. Kjo do të thotë që ju nuk mund të konsideroheni as si një opsion për një klient nëse ata vizitojnë një panair dhe impresionohen nga kompani të tjera në një ekspozitë tregtare që ju gjithashtu mund të kishit marrë pjesë.
Frensis LLOJI
