Panairi “Ditët e Bujqësisë” mbledh profesionistët më në zë të fushës

Pas dy vitesh të vështira për takime të drejtperdrejta dhe organizime të medha, bio.inspecta merr pjesë në panairin ”Ditët e Bujqësisë 2022” që do zhvillohet në Lushnjë në datat 19-21 Maj.
Panairi i organizuar nga Iceberg Exhibitions është një platformë e shkëlqyer që mundëson kontakte dhe bashkëpunime mes fermerëve ,eksportuesve dhe ofruesëve të produkteve e shërbimeve në fushën e bujqësisë dhe blegtorisë.
Nëpërmjet pjesëmarrjes tonë në panair duam të jemi pranë fermerit fizikisht, por jo vetem.
Njihuni me aktivitetet e planifikuara nga bio.inspecta gjatë diteve të panairit dhe bëhuni pjesë e tyre:
Happy Hour pranë stendës bio.inspecta, 19 Maj, ora 14:30.
Ju ftojmë për një aperitiv pranë stendës tonë, ku do të prezantojmë risinë e çertifikimit GlobalG.A.P nga një trupë lokale çertifikimi për herë të parë në Shqipëri. Pjesë e këtij ndryshimi mund të jenë fermerë që kultivojnë produkte të freskëta, eksportues të fruta-perimeve, supermarkete shqiptare që synojnë të implementojnë një sistem të brendshëm cilësie, aktorë të tjerë të tregut që operojnë në të njejtin sektor.
Workshop: Rruga e eksporteve shqiptare të fruta-perimeve drejt tregjeve europiane me vlerë të lartë, 20 Maj, ora 15.00.
bio.inspecta si themelues dhe host i Grupit Teknik të Punës për Standartin GlobalG.A.P. do ndajë eksperiencen e krijimit të një grupi përfaqësues për Shqipërinë në nivel ndërkombëtar si dhe iniciativat e ndërmarra deri tani për zhvillimin e mëtejshëm të tregut GlobalG.A.P në Shqipëri. Moduli GRASP i miratuar për Shqipërinë në saj të aktivitetit të grupit teknik hap dyer të reja bashkëpunimi me rrjete supermarketesh në Europë.
B2B Meetings
bio.inspecta do të jete e pranishme në të gjitha ditet e panairit në dispozicion të vizitorëve. Rezervoni takimin tuaj në stendë ose nëpërmjet telefonit me përfaqësues të skuadrës tonë sipas departamenteve përkatëse në mënyrë që të merni një informacion të plotë për të gjitha pyetjet dhe paqartësitë tuaja.