Eksportimi i fruta-perimeve shqiptare në tregjet evropiane, një e ardhme e afërt

Eksportimi i furta-perimeve shqiptare në tregjet evropiane, një e ardhme e afërt; Eksperti britanik ne ‘Agriculture Days’ sjell ekspertizen dhe mundesinë për bashkepunime të arta

“Pavarësisht se ku dhe çfarë konsumoni, përbërësit e vakteve tuaja vijnë nga diku. Të gjitha rrugët të çojnë në Bujqësi” ndërsa lexoni këtë frazë në internet, është e lehtë të kuptoni se agrikultura është themeli i të gjitha industrive të tjera.”

Panairi Ndërkombëtar i Bujqësisë, Teknologjisë, Ushqimit dhe Përpunimit, “Agriculture Days” (Ditët e Bujqësisë), i cili do të zhvillohet në Shqipëri në datat 19-21 Maj, në qytetin e Lushnjës do të ofrojë mundësi të rëndësishme për bizneset dhe profesionistët në fushën e bujqësisë, por padyshim prania dhe workshopi i organizuar nga Richard Arnold, ekspert i tregtisë ndërkombëtare, do të jetë një vlerë e shtuar për “Ditët e Bujqësisë”.

Objektivi kryesor i këtij workshopi është të mbledhë profesionistë të fushës me të njëjtat aspirata për të shkëmbyer ide, mendime dhe pikëpamje në lidhje me temat specifike të tregtisë ndërkombëtare të frutave dhe perimeve të freskëta. Duke qenë në industri për 38 vjet, Richard Arnold ka përvojë të gjerë në prokurimin e disa kategorive të produkteve me origjina nga mbarë bota duke përfshirë Egjiptin, Indinë, Kenian, Marokun, Guatemalën, Panamanë, Kosta Rikën, Afrikën e Jugut, Zimbabve, Kinën, Meksikën, Spanjën, Francën, Hollandën, Poloninë dhe Italinë.

Duke qenë se z. Arnold ka njohuri të gjerë në të gjithë sektorët brenda industrisë, duke përfshirë Shitje me pakicë, Food Service/Katering, Përpunuesit e Ushqimit dhe Shitje me shumicë, ky workshop do të jetë gjithashtu një mënyrë e shkëlqyer për të diskutuar me agrobizneset potenciale për të lehtësuar lidhjen me blerësit e BE-së në sesione të ngjashme si B2B. Përveç marrjes së informacionit të vlefshëm, duke marrë pjesë në workshop, profesionistët mund të ndërtojnë marrëdhënie të reja dhe të krijojnë ura lidhëse me blerësit e mundshëm. Prezantimet dhe partneritetet mund të zhvillohen në këtë mjedis dhe në fund do të ishte ideale për të furnizuar drejtpërdrejt shitësit me pakicë në Mbretërinë e Bashkuar ose nëpërmjet menaxherëve të kategorisë.

Gjatë workshopit me titull “Rruga e eksportit të frutave dhe perimeve shqiptare drejt tregjeve evropiane me standart të lartë” një sërë temash do të trajtohen nga Richard Arnold. Nga tendencat e kërkesës menaxhimi i cilësisë dhe certifikatat te standardet e marketingut deri tek konkurrenca dhe çmimet.
Me raste studimore të ndryshme dhe informacione të vlefshme, ky workshop është organizuar në mënyrë të tillë që ju si sipërmarrës në bujqësi të përfitoni nga ky i fundit. Do të keni një panoramë më të qartë të të gjithë sistemit, duke përfshirë certifikatat më të rëndësishme, standardet e marketingut, B2B dhe mundësitë e bujqësisë me kontratë etj.

Ky workshop ju jep si profesionist apo agrobiznes mundësinë më të mirë për të kuptuar se cila është konkurrenca në tregun e BE-së dhe si mund të konkurrojnë prodhuesit dhe eksportuesit shqiptarë në nivel të Bashkimit Evropian.
Këshilla për menaxhimin e cilësisë dhe si mund të informohen prodhuesit për ndryshimet e këtyre të fundit, cilat janë kërkesat për kalibrimin e produktit, paketimin, etiketimin, janë disa nga pyetjet që do të marrin përgjigje.

Kërkesa për fruta dhe perime të freskëta cilësore në tregjet perëndimore pritet të rritet në mënyrë të qëndrueshme dhe blerësit e mëdhenj janë të interesuar të sigurojnë burime nga tregjet në zhvillim si Shqipëria. Ky workshop përfaqëson një mundësi të shkëlqyer për profesionistët e interesuar që të marrin informacion të vlefshëm dhe potencialisht të hapin mundësi të reja biznesi me tregjet e BE dhe Mbretërisë së Bashkuar.

Bujqësia është një profesion që mbjell shprese sepse çdo ditë sjell diçka të re, ndaj ruani datën dhe na u bashkoni.